Ibikorwa vya FEN vyaranguwe kw’igenekerezo rya 26/8/2025

Fondation Esperance NDORICIMPA FEN igenekerezo rya 26/8/2025 yarakoze ibikogwa bibiri arivyo:

1.GUSHIKA KUBAVYEYI BIBARUKIYE MW’IBOHERO

Mugitondo co kuwa 26/8/2025 FEN irongowe na n’umuvugabutumwa akongera akaba umuririmvyi w’indirimbo mpimbazamana ESPERANCE NDORICIMPA,umwana wiwe w’imfura CHANCELLA REYNOLDS arikumwe n’umushingantahe wiwe BRIAN REYNOLDS basanzwe baba mugihugu ca CANADA nabamwe mubanywanyi ba Fondation,barishikiye kw’ibohero rikuru rya MPIMBA.
Fondation yagiye ijanye agakemenyi kagizwe nibifungurwa nk’isukari,ubuyi,ibiharage ndetse n’amasabuni n’ibahasha irimwo amafaranga yo kwikenura.
Abo bibarukiye mw’ibohero ni 16 bafise abana bari munsi y’imyaka 3 .

Igikogwa kigira kabiri cakurikiye ni:

2.GUTANGA IBIKORESHO VY’ISHURE MU GATUMBA

inyuma yo kuva kw’ibohero rikuru rya MPIMBA hakurikiye kuja gutanga ibikoresho vy’ishure mugatumba kumiryango yatewe n’umwuzurira w’amazi,
Abana bagera kwi 187 barahawe ibikoresho vy’ishure bikwiranye n’umwaka w’ishure bazoba bigamwo mumwaka w’ishure wa 2025-2026.
Abavyeyi babo bana bahawe ibikoresho barashimiye cane ESPERANCE NDORICIMPA yagize iciyumviro co gushinga fondation no kuza arashika kumiryango y’amikoro make.